Der Cache ligt in dr Näh vo am a weng abseits glegna, kaum bekanndn Bänkla.
Direkt an der Bank iser ned!
Ursprünglich wor des Bänkla nämlich scho a weng marod, drum ham mer’n Cache extra ned direkt dro gmacht, damit’s awengerla gschont werd.
Jetzertla hams des Bänkla neu g'macht. Aber jetzt is a scho Worscht. Den bobbeln mer etzertla nimmer um.
An haaßn Sommerdogn is des a scheens kühls, schattigs Fleckla.
Oft konnst do ganz gmiedlich die Küh oder mit a weng Glück aa amol a boar Gäul beim Graasn zuschaua.
Bei dem Cache derft´r aa fei gern in eierm eigena Dialekt loggn — so g’hört si des in Frangn!