O ría Asma cruza Chantada para ir desembocar no Miño, cunha lonxitude aproximada de 21km. É un río pertencente á marxe dereita do Miño e que nace na serra do Faro.
O seu nome non ven de ningunha patoloxía respiratoria, senón que deriva do tema hidronímico paleoeuropeo *aps-, derivado da raíz indoeuropea *ap- 'auga'
O caché atópase situado nun muíño rehabilitado no ano 2007 (muíño da Alameda) dos que se usaban para moer cereais, e que está situado nun paseo fluvial circular cunha lonxitude de 4,08km, e a unha altura de 480m sobre o nivel do mar. Este muíño consta de tres infernos, aínda que só lle queda un rodicio.
Un 25 de setembro do 2014 colocouse un caché nesta mesma zona, pero foi arquivado en novembro do 2016; esperamos que este outro caché dure máis. Sede coidadosos.