Castellano (Traducción automática)
English (Machine translation)
Este caché ten como obxectivo coñecer unha rocha que non hai naturalmente en Galicia, poderíase confundir co mármore pero despois desta breve lectura e se observas atentamente a parede, poderás entender de que rocha se trata e como diferenciala do mármore.
ATENCIÓN Para rexistralo, debes enviarme primeiro as respostas a estas preguntas. Os rexistros que non envíen as respostas antes de rexistrar serán borradas sen previo aviso.
- Cal é o proceso xeolóxico principal que fai que o mármore sexa compacto e cristalino?
- Como se forma o travertino?
- Cal é unha característica estrutural clave que adoita presentar o travertino e que non é común no mármore?
- OBSERVACIÓN: Examinando de preto a superficie da rocha que compón a fachada, notas unha textura principalmente compacta, lisa e brillante, ou máis ben unha superficie con numerosos pequenos buratos e un aspecto xeralmente máis poroso e opaco? Entón esta rocha é mármore ou travertino?
Fai unha foto que non revele as respostas onde saias ti ou o teu nome!
Opcional. Dentro, no primeiro andar hai un travertino de cor granate, serás quen de atopalo? A base das escaleiras que hai entrando á esquerda son de mármore,
O mármore e o travertino
Imos mergullarnos no mundo das rochas para entender mellor como está feita a marabillosa Fonte de Trevi! Imaxina ter dúas pedras naturais moi popular es na construción e na arte: o mármore e o travertino. Aínda que ambas conteñen principalmente carbonato de calcio como compoñente principal, formáronse de maneiras moi diferentes e teñen aspectos distintos.
Pensa no mármore como unha rocha que sufriu unha transformación profunda, é dicir, de orixe metamórfica. Inicialmente, o mármore era unha rocha calcaria, pero, ao ser sometido a altas temperaturas e presións no interior da terra, os seus cristais recristalizáronse, facendo que a rocha se volvese compacta e cristalina. O mármore adoita ter vetas ou manchas de diferentes cores debido ás impurezas minerais da calcaria orixinal. Unha característica importante do mármore é que, tras ser pulido, adquire un brillo natural intenso. Por iso se usa moito en esculturas e decoracións de luxo. Se ves unha estatua de tons claros, lisa e brillante, é moi probable que sexa de mármore.
Agora pensa no travertino como unha rocha que se formou dun xeito máis simple, por precipitación química; é unha rocha sedimentaria. É como cando a auga con sales disoltos se evapora e deixa un depósito sólido. O travertino fórmase cando a auga subterránea rica en carbonato de calcio chega á superficie, por exemplo, en fontes termais ou ríos. Ao evaporarse a auga ou pola acción das plantas, o carbonato de calcio precipita, formando capas e estruturas porosas.
Unha característica clave do travertino é a súa estrutura porosa, chea de buratos ou cavidades. Ademais, o travertino tende a ter bandas de diferentes cores, e o seu aspecto é máis natural e rústico, con tons que van do crema claro ao marrón ou ó ocre, chegando a tons avermellados pola presenza de óxidos de ferro durante a súa formación. Aínda que pode ser pulido, o seu brillo non é tan intenso como o do mármore debido á súa porosidade. O travertino úsase moito en pavimentos, fachadas e decoracións exteriores, coma neste caso.
O travertino: unha rocha ausente en Galicia
Imos falar do travertino, unha rocha que non se encontra de forma natural en Galicia, pero que podemos coñecer a través do seu uso na construción. Utilízase principalmente en fachadas e pavimentos debido á súa beleza e ao seu custo máis accesible que o mármore.
Por que non hai travertino en Galicia?
O travertino xérase en zonas con fontes termais ou mananciais de auga rica en carbonato de calcio, que se deposita ao saír á superficie. Este proceso é característico de áreas con actividade hidrotermal ou volcánica, como as de Italia (Tívoli), Turquía (Pamukkale) ou Estados Unidos (Yellowstone).
E o mármore, hai en Galicia?
Si, o mármore tamén se pode atopar en Galicia, aínda que é limitado e localizado. O mármore galego é de orixe metamórfica, duro e sen poros, con exemplares destacados:
Mármore de Mondoñedo (Lugo): de cor branca ou grisácea, famoso na escultura e arquitectura.
Mármore de O Incio (Lugo): de tons azulados claros, empregado na igrexa de San Pedro Fiz de Hospital (O Incio), a única igrexa románica construída integramente en mármore.
San Pedro Fiz de Hospital (O Incio)
Ampliación. Datos Xeolóxicos
Diferenzas entre mármore e travertino
| Característica |
Mármore |
Travertino |
| Orixe |
Rocha metamórfica formada a partir de rochas calcarias. |
Rocha sedimentaria formada pola precipitación de carbonato de calcio. |
| Composición principal |
Carbonato de calcio (CaCO₃) en máis do 90%. Pode conter grafito, clorita, talco, mica, cuarzo. Ás veces contén carbonato de magnesio (mármore dolomítico). |
Carbonato de calcio disolto (bicarbonato de calcio) que precipita. Pode conter óxidos de ferro, materia orgánica e fósiles. |
| Estrutura |
Compacta e cristalina, con fractura sacaróidea. Os cristais poden variar en tamaño. |
Porosa e con buratos, con posibles bandas de diferente porosidade e cor. Pode ter estruturas concrecionadas e tubulares. |
| Formación |
Recristalización de rochas calcarias por altas temperaturas e presións. |
Precipitación de carbonato de calcio de augas subterráneas ao chegar á superficie, influenciada pola actividade vexetal, cambios de temperatura e presión. A súa xénese é similar á das estalactitas e estalagmitas. |
| Cor |
Variado debido ás impurezas, incluíndo branco, marrón, vermello, verde, negro, gris, amarelo, azul. |
Xeralmente marrón, laranxa ou gris, pero pode ter bandas de distintas cores pola presenza de óxidos de ferro. |
| Transparencia |
Pode ser translúcido en agregados granulares. |
Non aplicable (opaco). |