A capela do Pego é a única capela que, a pesar de facer nela misas e romarías, non é de orixe relixioso, senón civil, para reunións dos representates das comunidades de Terra de Montes. Trátase dunha capela orixinal, sen motivos relixiosos no exterior, agás a cruz, que tamén presidía os edificios civis. No seu interior ten faladoiros ó carón das ventás para conversar a xente.
Está enclavada nun lugar senlleiro, á beira do río Lérez, constituía un lugar de paso do camiño dos arrieiros que levaban o viño do Ribeiro para Santiago e hoxe convertido en Camiño de peregrinaxe a Santiago como Camiño da Geira en referencia a súa parte portuguesa.
Hoxe o camiño foi desviado do seu paso por Ponte Parada a Ponte Gomail e xa non transita por este lugar nin visita a Capela do Pego, que foi importante centro, primeiro civil e logo relixioso, de Terra de Montes.