Peregrinos estades chegando a Padrón. e o primeiro que ides ver vai ser o campo de fútbol e a continuación un dos mercados de Padrón onde se fai a Feira de Padrón todos os domingos e que chega ata final da Alameda do Espolón. 

A orixe deste mercado popular remóntase a tempos inmemoriais, xa na Idade Media estaba considerado un dos máis importantes de Galicia, e centrábase principalmente na venda de gando e outras mercadorías.

Na actualidade, a variedade de produtos que se poden adquirir no mercado de Padrón é un dos seus principais sinais de identidade. Aquí atopamos artigos téxtiles, calzado, complementos, unha gran diversidade de produtos de alimentación como froitas e verduras de tempada, queixos, embutidos, licores, sen esquecer todo tipo de apeiros de labranza, mobles, e outros curiosos artigos.

O outro gran protagonista do mercado de Padrón é o polbo á feira. Os fogóns das polbeiras e o seu tentador cheiro marcan a hora do petisco: polbo, churrasco, vermú, viño e café.

Xusto o carón da feira , a esquerda, temos a praza de abastos.

Un punto de Padrón que tamén concentra unha gran cantidade de visitantes é a súa praza de abastos, un centro de mercado tradicional que conta con postos de alimentación dedicados principalmente á venda de produtos gastronómicos frescos e de proximidade, artigos de primeira calidade a prezo acomodado.

Carnes seleccionadas, peixes e mariscos da ría, froitas e verduras de tempada, pan artesán, queixos, embutidos e licores chaman a atención da numerosa clientela que elixe apostar polo consumo de produtos locais de confianza.

A Praza de Abastos de Padrón, inaugurada en novembro do 1903, primeiramente fíxose unha parte, para posteriormente estendela até o antigo matadoiro, tal como está na actualidade. Construída cunha estrutura aberta, con reixa, para conseguir unha boa ventilación e evitar posibles malos cheiros. A súa construción en 1903 substituíu á peixería vella, situada detrás da Fonte da Praza de Camilo José Cela.

Este caché vai adicado ao equipo FRACASO CORUÑO, moi boa xentiña.