Neste caché imos visitar a casa taller do escultor Xosé Cid, en A Pousa - Santa Leocadia - Taboadela.
Durante anos, o autor foille dando forma a unha antiga casa de aldea para adaptala aos usos de vivenda e refuxio artístico para o seu traballo e o do seu fillo Rosendo Cid.
Unha parte da vivenda (dúas salas expositivas) están adicadas a unha mostra permanente que varía cada certo tempo. Nos arredores, na leira da vivenda, atópanse varias obras de diferentes etapas de tamaño medio e grande en pedra e bronce.
Este lugar conforma un conxunto diverso que achega un pequeno coñecemento da natureza creativa e vivencial do artista da Rabeda.
Aínda que a Casa-Taller pódese visitar, non deixa de ser un fogar particular e non ten un horario fixo.
Xusto ao lado da casa está a capela da Santa Leocadia. É unha pequena capela de estilo barroco de planta rectangular levantada no século XIX. Os seus muros son de perpiaño e só ten unha porta de acceso. No interior garda un retablo pétreo policromado que posúe
Por último, se tedes a fortuna de que vos vais saudar a nosa amiga dos bigotitos, dádelle uns agarimos que é ben agradecida.
Traxectoria do artista
Nado en Santa Cruz da Rabeda, comeza a súa andaina de maneira autodidacta a finais dos anos sesenta sen adscribirse a escola ou grupo algún. Traballa co barro, madeira, pedra, mármore e bronce como elementos principais que dan a entender unha escultura que trata de superar a plástica figurativa cara a unhas formas sintéticas.
Ten feito unha importante cantidade de obra pública, das que poden destacarse o monumento a Breogán nos arredores da Torre de Hércules en A Coruña; o monumento a Concepción Arenal en Ferrol; a San Rosendo en Ourense e moitos outros monumentos e bustos espallados por Galicia de destacados escritores, coma Eduardo Blanco Amor, Carlos Casares ou Otero Pedrayo. Ten obra en importantes coleccións privadas e públicas.
A evolución da súa obra ata hoxe o conforma coma unha das figuras máis salientables da escultura galega dos últimos cincuenta anos.
Nunha entrevista que lle fixo o periódico local "La Región" dixo que cando era moi pequeno e empezou a tallar e a buscarse a vida como aprendiz, o que máis lle gustaba era facer figuras, cabezas de guerreiros.
