„A Neierfang nach’m Kehraus“
Ja mei, kaum host di am Faschingsdienstag no in dein Piratenkostüm nei g’zwängt, da letzte Krapfen-Restl aus’m Gsicht gwischt und beim Kehraus an oanzigen halbwegs taktvollen Walzerversuch hingelegt, is scho wieda Aschermittwoch.
Und wia jeder Bayer weiß: Noch’m Kehraus is Schluss mit lustig!
(Naja… meistens.)
Aber statt Trübsal zu blasn, sogn ma: „Pack mas o!“
Denn Aschermittwoch is ned bloß fürs Fasten, sondern aa fürs Ausmisten, Auframma und Zambutzn.
De einen schmeißen alte Gewohnheiten raus, de andern alte Kostüme – und mia?
Jo… mia pack ma die Hinterlassenschaften vom Faschingszug o’!
So schauts aus:
Nach’m Tüßlinger Faschingszug bleib’n ned bloß schöne Erinnerungen, sondern aa a rechter Haufa Konfetti, Schnappsflaschl und sonstige Faschings-Fossilien übrig.
Und weil ned ois der Wind oder da Bauhof richten ko, starten mia a zünftiges Kehraus-CITO.
Wann: Aschermittwoch, 18. Februar, wenn’d Leut wieder halbwegs grod aus schauen kenna.
Wo: Tüßling – entlang der Faschingszug-Strecke, wo’s schee bunte G’streu vo gestriga Freud’n gibt.
Was: Mir sammln ois, wos der Fasching daglassen hat – von Konfetti bis Kronkorken, von Flaschln bis Papierschlang’n. Mülltüten werden gestellt.
Kummt’s vorbei, packt’s a Gwandl, Handschuh und a guade Gaudi ein –
und mach ma gemeinsam aus’m Faschingsdulli wieder a saubers Tüßling!
Tüßlinger Narredei - Alle dabei!