Ollo, spoilers. Se non viches a película e tes intención de facelo, non sigas.
Os frikis sabedes que é Matrix. Para os demais, diremos que Matrix é unha famosa película de ciencia ficción de 1999. Non vos imos contar de que vai, pero si vos diremos que revolucionou o cine de acción a finais dos 90. A aplicación da técnica do “bullet time”, na que a cámara parece moverse arredor dunha escena a velocidade normal mentres os personaxes se moven a cámara lenta, e as elaboradas secuencias de persecucións e pelexas convertérona nun referente.
Neste caché imos percorrer algunhas escenas da primeira película. Terás que responder a seis preguntas tirando de coñecementos, internet e IA. Ao final da descripción xa che diremos que facer coas respostas. Por suposto, todas as respostas baseadas na película con dobraxe en castelán.
Na escena no clube nocturno, Trinity dille a Neo que a pregunta que os guía é "¿Qué es Matrix?", que da título a este caché. Pero para chegar ata o clube, Neo tivo que seguir ao coello branco, que estaba tatuado ¿en que personaxe? (unha palabra)
Estamos na famosa escena da pastilla azul e a pastilla vermella. Neo coñece a Morfeo, que lle abre os ollos sobre a realidade. E agora debe decidir. Se toma a pastilla azul, fin da historia. Se toma a pastilla vermella, "... te enseñare hasta donde llega la madriguera de..." ¿de qué animal? (unha palabra)
Neo é rescatado e chega á nave Nebuchadnezzar (Nabucodonosor). ¿Ano de construción da nave?
Neo únese ao grupo e comezan a facer das súas, pero son traizoados por Cifra mentres come un bisté e afirma decatarse de que "la ignorancia es la ..." (completa a frase, unha palabra)
Escenas culminantes da película. Trinity e Neo entran con todo para rescatar a Morfeo. Disparos, piruetas, helicópteros, moita acción. Ata vemos un duelo na azotea con Neo esquivando balas, aínda que unha o roza. Trinity pon punto final ao asunto liquidando ao axente mentres lle di ... (dúas palabras)
E chegamos case ao final. Demos por morto a Neo no corredor do hostal, pero o amor de Trinity revíveo ante a sorpresa dos tres axentes que se dispoñen a baleirar o cargador. Neo pronuncia unha palabra e, para sorpresa dos axentes, detén as balas. ¿Que palabra dixo Neo? (unha palabra).
Hai moito máis: poderiamos falar co Oráculo ou preguntarnos que é un dejavú en Matrix, pero imos deixalo aquí. Convidámoste a que vexas a película se non o fixeches aínda, ou a desfrutala de novo. Tamén diremos que somos da opinión de que as segundas partes nunca foron boas, e en Matrix confirmouse.
Fixémosche seis preguntas. Cinco son palabras e unha é un número. Quédate coa primeira letra de cada resposta (se son varias palabras, a primeira letra da primeira palabra) e co número completo (se non, é demasiado doado). Escribe en certitude a combinación de letras e números para obter as coordenadas finais. Por exemplo, se as respostas son "Rosalía", "topos", "3197", "leche", "se acabó" e "morid" o código para certitude sería RT3197LSM.
Por certo, para os que andedes a voltas co "Geodesafío Anual 2026 - Encontrar todas las letras": De nada.
Puedes validar la solución a tu puzzle con
certitude.
