🐶 CALINE'S EVENT 🐾 Event Cache

Moien alleguer 🐾

Ech sinn d’CALINE – vläicht kennt dir mech jo schonn vun deem engen oder anere Cache-Abenteuer. Ech si meeschtens dat mat de véier Patten🐶 , dat als éischt bei iech kënnt fir Moien ze soen… an eventuell ze kucken, ob zoufälleg e klengt Leckerli an ärer Täsch verstoppt ass 😇

Elo wollt iech perséinlech op mäin 1.Event am SCHULLER PARK invitéieren ! Ech freeë mech nämlech ëmmer rieseg, wann ech vill léif Geocacher begéinen, nei Gesiichter beschnupperen an e gemittleche Moment mat iech verbrénge kann. Fir meng Mënschen ass et e Geocaching-Event… mee fir mech ass et virun allem eng super Geleeënheet fir vill Krauler, frëndlech Stëmmen an hoffentlech déi eng oder aner Belounung 🍖🐶

Kommt also gär laanscht, bréngt är gutt Laun mat an – wann dir wëllt – vläicht och e klenge Leckerli fir mech. Ech verspriechen och ganz brav ze sinn… op d’mannst bal ëmmer 😄

Ech freeë mech schonn drop, iech all begréissen ze kënnen! Ech wäert vun 18 bis 19 Auer do sinn…. mam Logbuch an TB’en 😉

Bis geschwënn,
                        ärt Caline 🐾