Neerkanne ies 'n buurtsjap in Kanne in de gemeinte Riemst in
Belsj (Belsj Limburg) vlak bie de grens van Nederland (Nederlands
Limburg). 't Ies gesitueerd tösje de Jeker en 't Albaerkanaal. Aan
de ander zie van diet kanaal liek de buurtsjap Opkanne. In
Neerkanne weurt Limburgs en Nederlands gekald. De gesjiedenis van
't gehuch ies nauw verweve mèt 't gelieknamige kestiel Neercanne,
dat vlakbie euver de Nederlandse grens liek. In 1843 zörgde de
toenmalige eigenaer, Oranjegezinde baron van Thier, d'r veur dat
zien landgood in Nederland kaom te liegke. De landsgrenze loupe
daorum geforceerd door en um Neerkanne en Kanne heen. In de 14e ièw
ies sjpraoke van 'n kesjtièl Agimont in de hièrlikheid Neerkanne.
't Landhoes haet allewiel de functie van hotel-restaurant en dreug
de naam chateâu Neercanne. In de buurt bevinge ziech hellingbösj en
mergelgrotte. Van de gewonne mergelsjtein zint hie väöl häöf en
hoezer geboewd. Neerkanne huèrt bie de parochie Kanne. Op de hook
van de Kapelsjtraot, 'n paar hónderd maeter van de grens, sjteit 'n
mergele Heilig Graaf-kapel oet 1647. De sjtiel ies barok en
klassiek. 't Oarsjprónkelike gebuuwke ies geboewd door 'ne
tummerman Herman Jekermans, dae 'n belofte vervulde. Binne in de
kapel, die in de loup van ièwe diverse kière vergruèt ies, bevingk
ziech 'n replica van de Heilig Graaf-kapel van Jezus in Jeruzalem.
In 1714 kreeg 't zien hudige aanzeen. Op 't daak sjteit 'n
klokketeurensje.
Het gebied is enkel toegankelijk voor wandelaars en dat tussen
zonsopgang en zonsondergang!