Os carpinteiros cos pés mollados - 17
Na banda exterior da enseada de Broña, na chamada punta da Carreiroa, xusto fronte ao taller de Rios, atopábase o taller do mestre carpinteiro Manuel Nimo. Aínda que orixinario da aldea de Nimo na parroquia de San Xoán de Roo, viviu toda a súa vida en Tavilo, aldea próxima a Broña.
Na documentación histórica dos distritos marítimos próximos figura que construíu as seguintes embarcacións: 1 gamela, 1 dorna, 3 lanchas, 5 botes, 2 bucetas e 4 galeóns. Aínda que segundo información de varias fontes neste taller tamén se construíron embarcacións de gran tonelaxe, construía barcos maioritariamente para armadores de Vilagarcía e Vigo, por exemplo un gran veleiro de tres paus chamado “Virgen del Coro”, que fora encargo duns frades e tiña como destino Vigo, un paquebote de madeira, de tres paus, que fora construído en 1918. O buque tiña 35,64 metros de eslora e 440 toneladas, probablemente motorizado en Pasai (Euskadi).
A carpinteria de ribeira e os estaleiros no Concello de Outes, Xoán F. García Suárez. Ed. Toxosoutos, 2008
Mar de Outes. Berce dos carpinteiros de ribeira galegos, Santiago Llovo Taboada. Ed. Meubook, 2016