Ruta dos carpinteiros cos pés mollados – 5
Se miras cara o mar verás moitas lanchas, todas moi parecidas, modernas motoras de fibra, anchas e planas. Están pensadas para mariscar a flote, co rastro ou angazo. De setembro a abril os lombos do Tambre énchense de mariscadoras a pé e algunhas a flote para extraer ameixa fina, babosa e xapónica e por suposto o afamado berberecho de Noia.
Fóra da campaña marisqueira tamén se dedican á pesca con varias artes: nasas para o polbo, betas ou trasmallos.
O berberecho (Cerastoderma Edule), é un molusco bivalvo con dúas valvas con forma de corazón, de cor predominantemente branca cunha serie de 22-28 costelas radiais, cun péndulo en forma de sifón que usa para moverse e alimentarse, mediante a filtración de auga da que extrae fitoplancto.
Caracterizase por presentar un baixo contido en graxa, polo que se trata dun alimento con escasa achega calórica. A cantidade de colesterol que contén é baixa, se se compara con outros mariscos.
Outra das vantaxes que ofrece o consumo de berberechos é o contido en ferro, polo que o seu consumo está especialmente indicado no caso de anemia ferropénica.
E unha especie de crecemento rápido e de vida curta, aproximadamente tres anos. O berberecho acada tamaño comercial no seu primeiro ano de vida, no segundo e terceiro acada tamaños de categoría especial na Ría de Noia.
O seu tamaño e a súa calidade son recoñecidas a nivel mundial xa que habita nunha zona onde as condicións naturais son escepcionais ademais da forma de captura con métodos totalmente artesanais e tradicionais.
Método de captura
A colleita do berberecho faise utilizando métodos tradicionais e artesanais tanto dende embarcación na modalidade de marisqueo a flote como a pé dende a modalidade de mari2queo a pé. Cabe salientar que esta última actividade e desenvolvida case na súa totalidade por mulleres.
A campaña marisqueira vai dende o mes de setembro ao mes de marzo aínda que os meses mais fortes son de setembro a decembro.
A talla mínima de comercialización do berberecho establécese en 28 mm.
As artes utilizadas para a captura do berberecho e o denominado Rastro de berberecho e que debe reunir as seguintes características:
Rastro berberecho
Separación varillas mm 20 mm
Duela cm 54 cm
Lonxitude dentes cm 6,5 cm
Fonte: Berberecho de Noia