Na nee, noch ne Schluss. Mir fang grad erschd risch an 😉
Sdäidsch 4: Nach so langor Suche (un dann och noch falsch, abor doch irschndwie risch ;0D ) haddn mir nu widdor ne Marschrichdung, denn da haddn mir doch vornz schon enn Ooche risgiord. Jaaaaaaa, gefundn war die Logäischn och schnell un och der Infogebor, abor dann... Ich hab de DDR zwar noch in ihrn ledzdn Züschn midgegrischd, allordings nur bis zur viordn Glasse un da wurde die middlorweile exodische Fremdschbrooch dann ne mehr gegeem. Luzi miehde sich redlich mid ihrn verbliemnen rudimendärn Schbroochkenndnissn, abor mir scheidordn :0(
In ledzdor Segunde fiel mir da mein Mäusegino ei, welches ich ledzdns noch mid nor neun Äbb versehn hadde → wolln mor doch ma sehn, was die so leisded... EEEEEEEEEEEH, wie geil, also in segundnschnelle haddn mir den Menüblan der Beedn :0) Schon geil, was die Dechnig heide so schaffn dud. Es is wirglich so un kee Wunnor, daß die Menschheed verdummd, denn mor muss wirglich nüschd un 0 mehr wissn, mor muss nur wissn, wo's schdidd un wie mor's mid Äbbs händld. ...Draurich... Abor uns grad had's dierisch geholfn un den Delefondschogor in Ruhe gelassn ;0) Mir zahldn fix an dor Gasse, konndn es uns abor och ne vergneifn, ma de Hügscheene hinnorm Dhresn zu brüfn ;0)
Sdäidsch 5: Nu ging es immor dor Noos nach. Welches das Männorglo is, war schnell gloor, denn da schdingds immor besonnorsch. Mor will gor ne wissn, was mir bei unsror Suche alles gefundn hamm.... X0/, abor eem och mehr Orfrischungsgeeschnschdände, als mir eeschndlich gebrauchd häddn (denn geholfn hamm se eh ne). Abor da unsre Suche sehr gründlich war, endschiedn mir uns ledzdlich fier das am besdn Verschdeggde ;0) Hior warn mir ma flodd durch, was der Noos sischor zudräschlich war ;0)
Das Fodoschuuding wurde hindnnann gesedzd, da mir schah eh noch bissl zum gnibsn in scheede Ack grischn wolldn. (ich häng ma boor Bildschn an. Leidor gnibsd mei Mäusegino ne so gud, wie's ieborsedzn dud :0( Sinn leidor sehr verschwomm gewordn – man möge mir verzeihn...)
Sdäidsch 6: Eh, un hior hagde es dann gänzlich aus. Ich mid meinor Raumangsd hadde eh zu gämbfn, de Schbur zu haldn un bemiehde mich nach Leibesgräfdn zu zähln, zu raachnen un zu grübln. Zwischnei bekamndn mir noch Besuch von hießschn Genossn der edwas annren sozialn Eemne, wo wir schon befürchdedn, nu nachm rischn Schdoff gefrachd zu wern un der Ginobesuch in ganz annre Greise abrudschd. Doch die drolldn sich och widdor un mir konndn uns weidor dn Kobb zermardorn. Das mir abor och gor ne droff kamndn? Nach gefiehld nor Schdund un mir wirglich sämdliche Raachnmedhodn un -Weesche durchbrobiord haddn, gaam mir off un der sehr nedde Ounor ;0) wurde nu doch ma genervd. Seine Andword war gurz, simbl un drodzdem fiel der Groschn ne glei. Hä? 6? Wie soll mor denn bidde da droff komm? Naja, mor könnd nu annemm, mir verschdehn keen Schboos, abor villei simmor och eefach ne so versaud, wie dor Ounor ;0D Das das ne Scherzoffgabe war, haddn mir bis hiorher wirglich ne offn Schirm, wohl och, weil mir den ledzdn Sadz der Offgabe nur noch iborfloochn haddn un eeschndlich schon am Raachnen warn. Ich meen, sonsd wärn schah wirglich ne viele Meeschlichkeedn gebliem ;0)
Na scheednfalls is izze scheede Glühlambe, scheedes Bühnsegmend un scheede Wandlambe invendurisierd un abgezähld ;0)