Aksnesstranda Traditional Cache

Sørvendt mot Førresfjorden ligg Aksnesstranda og lokkar badegjestar frå store delar av Haugalandet. Sandstranda ligg sentralt, berre 10 - 15 minuttar å køyra frå Haugesund sentrum, og mange nyttar denne stranda om sommaren.

Like etter andre verdskrigen gjekk Avaldsnes og Haugesund inn i eit samarbeid for å leggja tilhøva til rette slik at folk lett kunne koma seg til Aksnesstranda. Det vart difor på femtitalet sett opp bussruter somarstid. Strandområdet er ei lita, langgrunn sandstrand, svaberg, fjøresteinar og grassletter i skogkanten med tumleplass for soling og leik. Nord-Rogaland og Sunnhordland friluftsråd har tilsyn med Aksnesstranda, og det finst toalett like ved den nedre parkeringsplassen.

(Kjelde: Frisk i friluft)