Deixamos este caché na Fonte de Miraflores, un recuncho de gran tranquilidade perfecto para sentarse e desfrutar da natureza.
Fronte a ela atópase o Pazo de Miraflores, un dos máis característicos do Concello. Os seus xardíns acollen, entre outros, exemplares de Araucaria e Criptomeria, así como unha gran Sequoia.
Debido á cantidade de árbores a recepción do GPS non é moi boa, polo que é moi aconsellábel levar a pista adicional para facilitar a busca.