C:
Disiv selben mære vernam do Sigemvnt ez reite sin gesinde da uon wart im chunt der wille sines kindes was im grimme leit daz er werben wolde die vil herlichen meit
Vier hundert swertdegene die solden tragen chleit mit dem iungen kunige vil manic schoniv meit mit werche was vnmvzich wande si in waren holt vil der edeln steine die frowen leiten in daz golt
Der ber begunde vliehen vor den hunden dan im enchunde niht gevolgen wan Chriemh' man der erliefen mit swerte ze tode er in do slvoch hin wider zv der chuochen man den bern sider trvoch
Ze Wormze bi dem Rine si wonten mit ir chraft in dienten von ir landen vil stolziv ritterschaft mit lobelichen eren vnz an ir endes zit si sturben iæmerliche sit von zweier frowen nit
Von des hofes ere vñ von ir witen chraft von ir vil hohen werdekeit vñ von ir ritterschaft der die herren pflagen mit frevden al ir leben des enchunde iv ze ware niemen gar ein ende geben
Do schicten si die reise mit den knehten dan Sivride un– sinen degenen ze sehn ez was getan do hiez er sich bereiten die von Niderlant die vzerwelten degene die svhten stritlich gewant
Viel Spaß beim Suchen!
Du kannst Deine Lösung hier überprüfen: Geochecker.com.