Ch'crime ed Rouvrel Traditional Cache
miguaine: Bonjour,
Puisqu'il n'y a pas eu de maintenance dans un laps de temps raisonnable, cette cache est archivée.
voir aussi : https://www.geocaching.com/about/guidelines.aspx
Cordialement,
Miguaine - Geocaching HQ Volunteer Reviewer.
-
Difficulty:
-
-
Terrain:
-
Size: 
(small)
Please note Use of geocaching.com services is subject to the terms and conditions
in our disclaimer.
Histoire vraie racontée par Germain Pillon et retrouvé par Monsieur Pérot.
J' m'en vos vous canter l'histoire qu'est arrivé' dernièr'ment, dramatique et pis notoire afoir' frémir tous ches gens. Os savez qu' pour purger l' terre ed ches salop'ries de l' guerre o ramasse à qui miux-miux ches gernad's et pis ches obus. S'agit d' parcourir el plaine a droite, à goeuche en tous sens pour récupérer ch' qui traîne par suite ed bombardement. On foit d' l'or avuc du cuivre pisqu's' vend au cours de l' live si bien qu'en récupéraint o n'en treuv' pour es' n' argent. Un farfouilleux plein d' prudence, qu' avoit d' l'œil et pis du flair iI voit, pis i sent d'avaince aune av'née v'nir à s'en blair. Ma foi si vrai que ej' m'appelle François, pus qu'avuc eun' pelle vlo que j' prénds avu mén nez eun' pris' qu'a n' sént point l' muguet. Sus l' bord d'un treu i s'arrête ch'est un entonnoir profond ses cavieux s'dréch'tent d' sus tête ! Quoi qu' il aperchut das ch' fond de ch' parfond, qu'est comme eun' cave ? Comme qui diroit un cadavre, qu'esr ercouvert à mitan ed mottes ed terre et pis d' cran. Tout en' trannant i s'enseuve pour informier, ches sen d' toir en galopant comme un ieuve l'Gendarmeri de ch'terroir ; Comme il étoit de MoriselleSains pus buger das s' chervelle is'en vo avuc orgueil queur' ches gendarmes ed Moreuil. Viv'mént pis sains r'prendre haleine el z'es vlo partis à deux avu François is s'amènent foir' leu constat sur les lieux. Gn'y o point d' doutaine'ch'est un crime d'un assassin anonyme mais ch' treu lo s'trouv ch'est formel sur ch territoire ed Rouvrel ! Hurus'ment que ch'téléphone qu'est eun' fameuse invention mon Aurélie i fonctionne. Toujours à l'admiration Allo ! Ailly ev'nez vite camarade ej poye un lite i gn'y-o z'un crime ed commis das eun' cagna de ch'poys. Edvant eun' parelle affoire sains perde ed temps, ch' brigadier savant ch' qu'il avoit à foire rtéléphone à Montdidier a sen lieut'nant hiérastique qui, par el meum'mécanique ertéléphone a ch' Parquet de s' dépêcher d' débarquer. Tandis ch' temps lo, Mosieu l' Maire Pis ch' ed juge ed paix suppléant pour remplacher ch' commissaire montent l' garde en atténdant. Ch' brigadier s'écri' : " ch' qui m' vesque ch' de n point savoir sen sesque ". Ch' gendarme dit : " j' vois ses cavieux. Qui sont un molé roussieux. Comme eun' feumé, de ch' village ch' l'affreux crime il o foit ch'tour ch'est comme eun' voiré d'orage, d'tous chés cotés l'monde accourt, pour vir tout prèsl'esquélette. Mais d'où ch'est qu'est ch'garde champêtre ? Paroit qu'il est das chés camps acouter ches blés poussant. Pis v'lo ch' lieutenant qui arrive escorté d' s'n adjudant a s'n aspect chacun derive ches pus peureux fichent l'camp.Pis qué ch' Parquet s'en vo s'rende pour qu'à seul'fin qu'i deschénde, marcher queure ech' cantonier pour fabriquer ch'l'escalier. Mais tout d'un coup ch'gard' champêtre d'en bâton et pis de s'main ed loin i foit seigne : Arrete ! En rapprochant de ch'terrain ch'n'est ni un homm' ni eun' féme qi s'écrie : " c'est eun' carméne ! Si vrai qu'i gn'y-o un boin Dieu, j' vous déclare equ' ch'est un vieu ! edpuis l'ouverture de l'cache ed connois sen nimérou mais j'nai jamois trouvé l'trache de ch' délinquant leup-warou, qu'o laissié sains sépulture de s'vaque el progéniture. Rtéléphonez à ch' Parquet inutile ed débarquer !LOUIS SEURVATLe 29 novembre 1926
Additional Hints
(Decrypt)
Nh cvrq q'ha neoer, fbhf har cvreer.
Treasures
You'll collect a digital Treasure from one of these collections when you find and log this geocache:
Loading Treasures