Die Bildoachn Die Bildoachn am Dambergweg kennt jeder in der Gegnd.
I geh so gern zu ihr hinauf, obs schön is oder regnd.
Im Winta trogs die broatn Äst wiar a Hirsch sein Gweih, im Sommer lodnt ihr Schottn ein zu aner Tramerei.
Am Stamm do hängt a heiligs Bild mit Rahmen und mit Glas, die Farbn de sein scho längst vabloßt, und
siagst nur Umriss bloß.
Und aufn Bankerl unterm Bild sitz i oft gern a Weil und hör die Musian in Wold, dohan i goar ka Eil.
A vogal singt sein Liadl vor, den Baß die Hummel brummt, im Oachnlab spielt sih da Wind,a Bein am Wegrand summt.
Do bist weit weg vom Lärm und Gstank der Autobahn im Tal, do gspürst nur überall Natur,
kurzum do fühlst die wohl.
Do denk i af die Zeitn zruck, wo wir vor vielen Joahrn oft gsessn san do Hand in Hand,
valiabt bis über d´Óhrn.
Und späta woarn die Kinda do, sein mitzpaziert zan Bam,
sein umagrennt, hobn umagspielt und sein mit Oachaln hoam.
Die Kinda sein längst ausa Haus, vadeanen selbst ihr Geld, mi aber
ziagts nou ollweil hin zum greanen Oachnzelt.
Und wann i amol neama
bin,beschlossen hob mein Lebm, so schickts an Gruaß za Oachn hin,
de mir hot soviel gebm.
Happy Caching !! Für den FTF gibt es zwei Brieflose !!