På toppen er det ei postkasse med ei bok som turgåarane kan skriva namnet sitt i.
Fin utsikt mot både Fana med Titlestad og Stend i framgrunnen, Lyshornet i sør, Kalandsvatnet med Vallaheiene bak - og endå lenger bak: Byfjellene.
Det finst mange stiar - eller kombinasjonar av stiar - å gå for å koma hit. Eg har lagt ut waypoints for dei to alternativa som eg meiner er dei beste dersom ein har Fanaseter som utgangspunkt. Dersom du kjem frå Kismul, sjå t.d. waypoints lagt ut for cachen på Sveåsen.
Innhald: Loggbok, blyantar og nokre små bytteting.
Over: Utsyn frå Hamresåta mot Kalandsvatnet og Vallaheiene. Ulriken kan skimtast bak i det fjerne. Under: Benken på Hamresåta. Jordavatn i bakgrunnen.
