"Heuiweder" Vor dem Buchenberg Traditional Cache

Einfacher Tradi mit schöner, großer Tauschbox

Das Mundartgedicht handelt von der hiesigen Gemarkung und ist ein echtes Stück Heimat!

Heuiweder!  

"Horch Petrus" seiicht de liebe Gott,
"Häng d`Sunn heut ornli naus;
in Getzi wellesch Heui hemdaun,
loß jo ka Wolke naus;
Du kennscht doch unscher Getzemer
dut`s denne heuit net glücke
nocht dunsch unsch statt en Engel-des-Herrn
en haufe Flüch rufschicke!"
De Petrus nickt und dröht schi rüm
unn dut scho`s Gsicht verzieche
er denkt: die Versuchung is zu grouß,
werd i a net unterlieche?

Mit Reche un Gabbel renne dunnem Doal
die Getzemer fleißi durchenander,
des geiht heuit e prima Fütterle
soachesch freundli zu enander.
Wenn na de Petrus kann Schtrich heuit durchmecht
unn mecht unsch die Ärbet net sauer,
vier, fünf mol keent heuit ä jeder foahrn,
ja mim Weder muß mer schaffe als Bauer.

Sou schüttelesch un wennesch, die Reche die flieche
unn werkli hot`s no goar keer g`merkt
daß überm Bucheberch scho dut ä Wolke uffzieche.
Ganz schnell künnt die nöher, jetzt dut`s a scho blitze;
Schterndunderewetter, soll sou ä Weder net vrecke?
Sou soache die Getzemer, äbber die Reche die flitze
unn die Leuit die renne unn schaffe unn schpringe
unn troache des Fuder wider zamme uff Haufe
unn töibe unn fluche und könne fascht nimmi schnaufe.

De Petrus am Fenschter hebt de Bauch sich vor Lache
unn denkt: Is ma Getzemer Emeshaufe verrückt
sou is des for mich do hobbe im Himmel
mei allerseelichschter Aucheblick.
Mit eme heiliche Zorn dut de Hergott erscheine
"Ja Petrus, ja Petrus, was fellt der den ei?
Du duscht mir de Gehorsam verweichern?
Gleich muscht drei Doag ins Fechföer nei!"

Demüti seicht de Petrus "Sofort geh i noab,
lieber Herrgott verzeih, i wäß was schi g`hört,
äbber konn i mei Getzemer Norre emol sehe
sou is mer des drei Doag Fechföer wert!"