Gleich nach'n Krieg im 46-ger Jahr,
da habns nix zum Essen ghabt, das des is wahr.
Do war des scho allerhand,
wennst mit an Bauern warst verwandt.
Nicht zu verachten war do a,
da Onkel aus Amerika.
Wer des net woaß, der is jetzt still,
weil i mei Gschicht erzählen will.
A Woch'n vor Weihnachten, ich schrei HURRA,
kimmt a Packerl aus Amerika,
von unsrer lieben Tante Rosn, guat gefüllt mit lauter schöne Dosen.
Ich reiß es auf und reck mein Hals,
stehn oben drauf glei drei Pfund Schmalz.
A Kilo Bohnenkaffee, schau on,
a große Dosen mit Kakao.
A ganz a große Dosen Reis,
zwei Kilo Mehl, wia Schnee so weiß.
Des alles, schrieb die Tante Rosn,
höchst eigenhändig auf de Dosen.
Blß von der Weißblechdosen unten,
da war des Zetterl hoit verschwunden.
Was kunnt iatz in der Dosen sei,
steckst hoit amoi dei Nasen nei.
I habs probiert glei a paar Mal,
des Pulverl war geschmacksneutral.
Des war net sauer war net siaß,
hat gschmeckt wia eingschlafene Fiaß.
So hom mir uns den Kopf zerbrochen,
was kunnt ma aus dem Pulverl kochen.
D'Frau moant, s'kunnt a Schmankerl sei,
do koch ma iatz amoi an Brei,
und haut kurz drauf mit Milch und Ei,
des Pulverl in a Reindl nei,
befolgt den Rat von ihrer Oma
und gibt dazua nu Zimtaroma.
Und mit an einbrenn und an Zwiebel,
hats wirklich gschmeckt- gar net übel.
Und dann, es war so drei Tag drauf,
klärt mit an Brief sich alles auf.
Schuld dran, des is a schwacher Trost,
war nur die Schlamperei der Post.
Und Tante Rosn schrieb, ihr Lieben,
ich schick euch ein Paket nach drüben,
mit lauter guate Sachen,
und hoff, dass sie euch Freude machen.
Was ihr leider noch nicht wisst,
dass Onkel Schorsch verstorben ist.
Mit seine über achtzig Jahr,
er immer ein treuer Salzburger war.
Seinen letzte Wunsch will ich verkünden,
in Salzburg will er Ruhe finden.
Drum sei es so wie es sei,
setzt ihn in aller Stille bei.
Die Asch ist in der Weißblechdosen,
in stiller Trauer, Tante Rosn.
So ham mir, i werd des nie vergessen,
zu Weihnachten unsern Onkel gfressen.
Seid vorsichtig bei der Suche.
Jeder Cacher ist für sein Handeln selbst verantwortlich.
Beachtet bitte auch das Fahrverbot, welches bei den meisten Caches dieser Serie vorherrscht!