Gruschd, der wichdigg isch ond deen da onderwegs braucha kenndeschd:
- als erschdes liesch a mol dr Teggschd dure.
- an Zeddl ond was zom Mola, falls dr beim Zehla Deine Fengr ausgandt.
- an DschiiPiEsss odr a Henndi mit DschiiPiEsss mit dem ma peila ka.
- a Fonzl, falls naachd wadd.
- weil älles auf schwäbisch dostoht, gibts oin D-Wert mai.
Vom Kroisl (erschda Schdatsio), wos zom Rosagaada neigooht, bis zur zwoida Schdatsio hots Stroßabauamd an haufa Dohla- und Abwasserdeggl en dui Stroß neigmacht. Worom verschdohd wahrscheinlich koin Mensch. I glaub jo, des hot ma ekschdra fir dia nuimodische Geokotscher dau, damitt se mol wiedr was zom Zehla hand. Falls du au zua dem Haufa kehrsch, kaasch dr jetzt jo vorschdella, was da macha muasch. Ond no ois: Ihr brauchedd idd en da Rosagaada neilaufa. Oifach da kiezeschda Weag zwischa Sdaitsch ois ond zwoi laufa!
Beim Gugga ond Suacha muasch halt a weng obacht gebba. Dohana laufedd ond fahredd allaweil an haufa Reigschmeggde romm. Dia brauched jo id grad wissa, was Du dussa auf dr Gass treibsch.
Wichdigg: Em Kroisl messed ihr älle Deggl zehla, au dia dia so lieget wie auf dem obra Foddo!
Jetzd brauchsch blos no dia aufgschriebana Zaal en dui Forml neidoa
N48° 17.n3 E009°44.(n+n)0
ond nalaufa. Wenn da endlich do schdosch muasch de nommol kuuz astrenga, no hoschs glei vohl gschaffd. No schnell peila und zwar en Richddung:
n° ond (n+n+n+n+n+n+n+n+n+n) Medr.
Als nägschdes laufsch dapfr da Buggl nauf. Wenn da ibr Stroß laufsch, dafsch abr id blos en dei DschiiPiEsss neigugga. Bassed mr ja aufd Audos auf ond laufedd id direkt uf dr Stroß! No an kloiner Tipp: Henderm Roi ischs auf jeda Fall sicherer.
Wenn da aakomma bisch, muasch deine Glotzbebbel no oimol aschdrenga, irgendwo stragged do endlich dei Blaschdiggbix.