I gamle dagar vart natt til 13. desember kalla Lussinott, Lussinatt eller
Lussi Langnatt. Denne natta blei rekna som den lengste, mørkaste og skumlaste natta i heile året.
Lussinatta var ei mystisk og magisk natt og ingen måtte gå ut om kvelden, og i alle fall ikkje om natta.
For natt mellom 12. og 13. desember fór nemleg Oskoreia eller Lussiferda over landet. Lussiferda var eit følgje av troll, hulder og andre underjordiske som fór frå hus til hus og såg etter at alt var gjort klar til jul. Var det ikkje det, kunne reia gjera hærverk.
Heilt sør på Jæren, i Dalane og deler av Agder vert Lussinotta fortsatt markert; mange stader kler ungane seg ut og går Lussi på kvelden 12. desember. Markeringa av Lussinatta er ein gammal norsk tradisjon, og kan på ein måte samanliknast med den moderne Halloween-feiringa; der tussar, troll og anna skrømt er ute på vandring.
Sidan troll og underjordiske skapninger liker seg godt i mørke blir eventet
inne i Vedafjellet
og alle eventdeltakarar blir oppfordra til å kle seg ut.
Det vert ein liten premie til beste kostyme
