Gulbygningen på Måno Traditional Cache

Valdres landbrukskule låg på garden Måno på Leira, og i dag er det berre att den stor gule skulebygningen. Den vart i 2007/-08 overført frå Oppland fylkesskommune til Stiftinga Gulbygningen på Måno. Det er dei som eig og driftar bygningen. Gulbygningen er i dag tilhaldsplass for mellom anna grendelag, idrettslag, husflidslag, og blir også leigd ut som lokale for konfirmasjonar og andre selskap.

I 1950 vedtok fylket at namnet skulle endrast til Valdres jordbruksskule. I 1964 vart Valdres husmorskule bygd på Måno, og året etter Valdres yrkesskule. Siste kullet gjekk ut frå Valdres jordbruksskule i 1969.

Gulbygningen vart avvikla som undervisningsbygg frå 1996/97. I åra etter har bygget blant anna vorte brukt som øvingsbygg for musikalane til Ung i Valdres.

Rundt år 2000 var det på tale å rive det bevaringsverdige bygget, men bygget vart berga av bevaringsvillige krefter i skulemiljøet på Måno og lokalsamfunnet på Leira. For meir informasjon om Leira, Gulbygningen og skuleverksemda på Måno, sjå boka "Leira i Valdres" og meir på www.gulbygningen.com.