Fra Informasjonsskriv om Rambjøra landskapsvernområde.
"Ein variert oase med høg verneverdi Rambjøra byr på mykje natur innanfor eit lite område: Svartorsump, gamle eiketre og blomeenger. Det er omgitt av gamalt kulturlandskap med slåttemarkar, steingardar og kjerrevegar, som i dag i stor grad har gått ut av bruk. Myravatnet er omkransa av frodig sumpvegetasjon. Her er det gode næringstilhøve, og fleire store sumpplantar er vanlege rundt heile vatnet. Litt ute i vatnet dannar flaskestorr og elvesnelle ei meir eller mindre tydeleg sone. Ein annan vanleg og karakteristisk vassplante er bukkeblad. Øyrevier, ein tre meter høg busk, er vanleg på austsida av vatnet. Vassgro, kjempepiggknopp og langstorr er nokså sjeldne sumpplantar i Noreg, men dei veks i Myravatnet og andre vatn i Fana. Dei framande artane gjedde og abbor er sett ut i vatnet. I lia ovanfor Myravatnet står edellauvskogen tett, heilt opp til den bratte berghammaren. Alm, ask og hassel er karakteristiske treslag, men også den introduserte arten platanlønn finst i store mengder. Av planteartar som veks i edellauvskogen kan nemnast falkbregne, junkerbregne, strutseveng, ramslauk, skogsvingel og stortveblad. Svartor er det vanlegaste treslaget i Rambjøra. Den toler eit fuktig miljø, og veks i kanten av Myravatnet og over store delar av åsen i austre del av verneområdet"
"Utdrag av verneforskrifta All ferdsel og bruk av verneområdet skal skje med varsemd og omsyn til vegetasjon og dyreliv. Du er velkomen til verneområdet, men hugs følgjande reglar som er eit utdrag frå verneforskrifta:
• I området utanom opparbeidde hagar, vegar og stiar er plantelivet, medrekna daude busker og tre, freda mot skade og øydelegging. Nye planteartar må ikkje førast inn utanom opparbeidde tomter.
• Alle pattedyr- og fugleartar og deira buplass, hi, reir og egg, er freda mot skade, øydelegging og unødig forstyrring. Jakt, fangst og bruk av skytevåpen er ikkje tillatt. • Tekniske inngrep og forsøpling er forbode.
• Motorisert ferdsel er ikkje tillatt utanom eksisterande vegar. Bruk av ridedyr utanom eksisterande vegar og organisert idrett er ikkje tillatt. Vernereglane er ikkje til hinder for:
• Sanking av bær og matsopp."
English:
Rambjøra Landscape Protection Area with plant- and animal protection in Bergen municipality was established in 1981 to preserve a rare combination of various forest and meadow habitats, as well as to protect rare plants and animals. The area is valuable for teaching, research and recreation. Rambjøra is part of an old cultural landscape, and remnants of old walls, roads and buildings can be found. You are welcome to visit the protected area, but please note these rules:
• Vegetation and wildlife is protected from damage and destruction.
• Use of motorized vehichles is prohibited, apart from on existing roads.
• Harvesting mushrooms and berries is allowed.