Din, den, don,
le campane de Sambruson
e sonava tanto forte,
e buavae zo e porte.
E porte gera de fero,
volta ea carta ghe xe ‘n sculiero,
‘n sculiero pien de piova,
volta ea carta ghe xe ‘na rosa,
‘na rosa che sa de bon,
volta ea carta xe ‘n limon,
el limon xe massa fato,
volta ea carta ghe xe ‘n mato,
‘n mato da ligare,
volta ea carta ghe xe ‘n mare,
‘n mare e ‘na marina,
volta ea carta ghe xe ‘na gaina,
‘na gaina che fa cocodè,
volta ea carta ghe xe ‘n re,
‘n re e ‘n rearo,
volta ea carta ghe xe ‘n peraro,
‘n peraro co tre piri,
volta ea carta ghe xe do sbiri,
do sbiri che fa el pàeo,
volta ea carta ghe xe ‘n gàeo,
‘n gàeo col beco rosso,
volta ea carta ghe xe ‘n posso,
‘n posso pien de acqua,
volta ea carta ghe xe ‘na gata,
‘na gata co do gatei,
volta ea carta ghe xe do putei,
do putei che fa ostaria,
volta ea carta che ea xe finìa.
