KONGEVEGEN OVER FILEFJELL
Då den Bergenske Kongeveg vart bygd på slutten av 1700-talet, fekk ein for fyrste gong køyreveg mellom Aust- og Vestlandet. I dag er den gamle Kongevegen eitt av dei finaste veghistoriske kulturminna vi har.
Den 10 mil lange vandreruta Kongevegen over Filefjell tek deg gjennom nokre av dei vakraste landskapa i Noreg. Frå tronge og dramatiske fjordlandskap inst i Sognefjorden, via høgfjellet på Filefjell, og ned i innlandsbygdene i Valdres. Ei reise mellom landsdelane - med den historiske Kongevegen som den raude tråden undervegs. Der vegen er borte nyttar ein andre trasear, slik at det blir ein samanhengande turveg frå Lærdalsøyri til Vang. Syklistar har alternative ruter utanom dei mest sårbare delane av Kongevegen.
Om du vil vandre kortare eller lengre strekningar, er det mange moglegheiter for det. Du kan til dømes gå den dramatiske vegen gjennom Galdane, oppleve imponerande byggjekunst i hårnålssvingane i Vindhella, bli eitt med naturen langs høgfjellsvegen mellom Maristova og Kyrkjestølen, spasere gjennom innlandsdalen mellom Tyinkrysset og Øye, eller ta ein tur opp den stupbratte Kvamskleiva - om du tør!
KVAMSKLEIVA
Vegen over Kvamskleiva vart teken i bruk i 1808 og avløyste vegen som frå gammalt av gjekk på nordsida av Vangsmjøsa til Leirhol, der det var ferjestad over til sørsida.
Kvamskleiva var ein både berømt og berykta del av Den Bergenske kongeveg, mykje omtala i reiseskildringar på 1800-talet. Vegen var nemleg frykteleg bratt, og mang ein reisande må ha vore skrekkslegen. Engelskmannen John Barrow reiste her i 1833 og karakteriserte det han såg under seg i Kvamskleiva som ein avgrunn. Ingenting var gjort for å hindre at køyretøy glei utfor den bratte, smale vegen, meinte han. Så skal det heller ikkje så mykje fantasi til å sjå for seg at vegen kunne vere reint livsfarleg på blankt hålkeføre.
I 1840 vart rekkverksmuren forsterka, og kan hende vart vegen noko tryggare. Men bakken var like tung og bratt. Då målaren I. C. Dahl kom hit med kalesjevogn i 1844, måtte det fire hestar til for å dra den opp bakken. I 1862 vart Kvamskleiva teken ut av bruk og erstatta av ny veg langs Vangsmjøsa.
Kvamskleiva er i dag ein fin og trygg veg å gå, med storslegen utsikt på toppen. Herifrå går vegen gjennom ei idyllisk blanding av skog og kulturlandskap, og forbi gamle Kvam lensmannsgard. Til sist har du heile Vangssoknet med fjell og innsjø framfor deg.
KONGEVEGEN ACROSS FILEFJELL
Bergenske Kongeveg, built at the end of the 1700s, was the first proper road between eastern and western Norway. Today, the old Kongevegen is one of our most beautiful cultural heritage routes.
The 100 km Kongevegen across Filefjell walk leads through some of Norway's most spectacular scenery. From the narrow, dramatic fjord landscape innermost in the Sognefjord, via the high mountains at Filefjell, and down to the inland villages in Valdres. A journey from one part of the country to another – linked together by the historic Kongevegen.
Whether you prefer short or long walks, the options are many. Enjoy the dramatic route through Galdane, experience the impressive road engineering work at the hairpin bends of Vindhella, become one with nature along the high-mountain road between Maristova and Kyrkjestølen, stroll through the inland valley between Tyinkrysset and Øye, or hike up the staggeringly steep Kvamskleiva – if you are brave enough.
KVAMSKLEIVA
The road across Kvamskleiva was completed in 1808, and replaced an old route on the northern side of lake Vangsmjøsa leading to a ferry crossing at Leirhol.
Kvamskleiva was a famous as well as feared section of Den Bergenske Kongeveg. It was incredibly steep, and must have left many travellers terrified. It is easy to imagine how extremely dangerous the journey must have been in icy conditions.
In 1862, Kvamskleiva was replaced by a new road along lake Vangsmjøsa.
Today, Kvamskleiva is a beautiful and safe walk, with spectacular views at the top. The route then continues through an idyllic mix of forest and cultural landscapes, and past the old Kvam Farm – once home to the district sheriff. As you carry on, you will have the full parish of Vang, with mountains and lake, in front of you.
