Krinkiespijer
De Veenkoloniale knoalen harren tot wied in de joaren viefteg nog 'n geweldeg belangrieke toak veur de regionoale economie. In 1958 bieveurbeeld gingen der zeker 100 schepen per dag deur de Bunersluus op 't Knoal. Belangriekste producten van dij tied warren eerappels, baiten en stroo. Turfvoaren was toun wel zoon beetje doan.
Vrouger wuiren de schepen trokken deur peerden of deur mensen volk. Voak gebeurde dat deur aigen volk, vraauw of kinder. Dij luipen den in de liene. Mainsttied boden zuch beroepskrachten aan, de scheepsjoagers. Scheepsjoager konst nait zo mor worden. Je mozzen der een vergunnen van de commesoares van de keunegin veur hebben. Ook toon zellen der wel “zwartjoagers”west wezen.
Hou kommen wie nou aan de noam “Krinkiespijer”? As der gain waark was veur de scheepsjoagers of as knoalen dichtvroren warren, huilen de scheepsjoagers voak tou bie de sluzen en de bruggen. Dat ze veur dij steeën kozen was op zuch hail gewoon. 't Haile socioale leven speulde zuch doar ja óf. Je kinnen dat nou nog zain aan de consentroatsie van vrougere winkelpanden.
Tebak kaauwen of proemen was vrouger ain van de mildere vörms van versloaven. Drugs dus. Nait duur en populair. Kaauwen geft veul spij. En wat dou je den as je over de brugleunen hangen. Persies; Krinkies in t wotter spijen. Ik mot der bie zeggen dat t nait allénneg de scheepsjoagers warren dij dat deden. Al t wachtende manvolk gaf zuch over aan dat populaire tiedverdief.
Mit dit beeld van krinkiesspijende kerels veur ogen het de kunstenoares vörm geven aan dit haildaal uut 't stroatbeeld verdwenen gebruuk. As je 't beeld op woare grootte willen zain, den binnen je van haarten nuigd om s noar t Knoal te kommen om te kieken.
Virtuele cache
Wat moet je doen om deze virtuele cache als found te mogen loggen:
1. Ga naar bovenstaand coördinaat. Daar vind je het beeld van de krinkiespijer.
Stuur een email naar krinkiespijer@outlook.com met het antwoord op de volgende vragen:
- Meet de omvang van de Krinkiespijer onder zijn oksels.
- Meet de omvang van zijn hoofd over het puntje van zijn neus en zijn oren.
- Hoe lang is de Krinkiespijer?
2. Plaats bij je log een foto als bewijs dat je ter plekke bent geweest, je hoeft zelf niet op de foto te staan.
Virtual Reward - 2017/2018
This Virtual Cache is part of a limited release of Virtuals created between August 24, 2017 and August 24, 2018. Only 4,000 cache owners were given the opportunity to hide a Virtual Cache. Learn more about Virtual Rewards on the Geocaching Blog.