Mer möchtet eusem agfrässnigem und total begeisteretem Mami de Cache gern uf de Geburtstag schenke...
Da mer früener wo mer no Kind gsi send, metem Mami und eusere Fröndes Truppe vell im Birchweiher usse brötlet hend, isch das de perkekti Ort för en Cache. Es erweckt schöni und lustige Erinnerige wieder.
S'Glücks-Chäberli isch ganz früeh am Morge scho start klar, au bi Wind und Wätter, Räge oder Schnee.
Mit Sack und Pack, Gummistiefel unterem Arm, s'Zmittag im Tupperware, de Kompass ide Hand, d'Angelruete über de Schultere und s'Werkzüg im schwer beladene Rucksack, machts sech uf de Wäg ines neus Abentüür.
Es chlises Päuseli muess nach getaner Arbet au si, es fallt langsam s'einte oder andere Gähne. D'Schoggi döf natürli au ned fähle.
Früsch gstärkt gots wiiter, bes d'Sonne de Himmel verlot und s'Glücks-Chäberli langsam müed wird.
Die Nacht gehört den Tieren, daher den Cache bitte nur bei Tageslicht besuchen !