Celebración da primeira mostra de curtas do 10º Festival Internacional de Curtametraxes de Geocaching en Santiago de Compostela
Concello de Conxo
Din que o nome deste barrio de Santiago deriva de Almerico Canogio, nome do desafortunado amor de Rusuinda asasinado no Camiño de Santiago e que, segundo a lenda fora enterrado na contorna do mosteiro.
Conxo ten tamén o seu protagonismo na constitución histórica dos concellos, historia que arrinca en 1812 cando as Cortes de Cádiz promulgan a primeira Constitución Española. Esta pretende dotar ao Estado Español dun mellor sistema administrativo, sendo os concellos un dos seus puntos máis importantes, pois se pretendía sacalos do caos e a decadencia na que estaban sumidos baixo o absolutismo monárquico do Antigo Réxime. A reacción absolutista frustrará por dúas veces, 1814 e 1823, estes intentos de reforma.
Morto Fernando VII e baixo o reinado de María Cristina, inspirados polas reformas que procuraban as Cortes de Cádiz, o 23 de xullo de 1835 redactarase o real decreto que regulará os novos concellos, baixo o que se constituirá o de Conxo. Este comprendía as parroquias de San Martiño de Laraño, Santa María de Villestro, Santa María de Figueiras, San Cristobo do Eixo, San Martiño de Aríns, Santa Baia de Bando e Santa María de Marrozos, chegando a ter ao redor de 15.000 habitantes.
A ditadura de Primo de Rivera promulgará en 1924 o Estatuto Municipal, nova norma reguladora dos concellos de España. Con esta norma Primo de Rivera pretendía rexenerar a vida municipal e combater o caciquismo, pero isto non ocorreu porque ao non celebrarse as prometidas eleccións, os alcaldes foron elixidos a dedo polos caciques de sempre.
Aínda que o Estatuto Municipal de 1924 non conseguirá acabar co caciquismo, acabará co reinado de Conxo como Concello Independendiente, xa que a partir de 1925 pasará a formar parte de Santiago.
A actual parroquia de Conxo repártese nos seguintes lugares: Conxo de Arriba, Conxo de Abaixo, Cornes, A Curuxeira, A Fervenza, Monte do Seixo, A Nogueira, Pai da Cana, Ponte da Rocha, Ponte Pereda, O Porto, Poza Real, Rial, Rocha Vella, Torrente e Volta do Castro.
En 1827 nace en Cornes Rosalía de Castro a maior poeta de Galicia e autora, entre outras obras, de En la orillas del Sar, publicado en 1884 e un dos seus poemarios máis famosos, é dicir, Rosalía non naceu en Compostela, naceu en Conxo.
De Conxo tamén partía a primeira liña férrea posta en marcha en Galicia, co caché 1. Cornes, a estación de Rosalía comeza a serie dedicada a este fito histórico.
Resolve o multicaché
Na coordenadas publicadas hai dous edificios emblemáticos de Conxo, o convento das mercedarias e a igrexa da Mercé de Conxo.
Hoxe xa non funciona como convento, é hospital psiquiátrico.
Enriba da porta de cristal o letreiro pon?
1.- Hospital psquiátrico (Valor de A 771)
2.- Sanatorio psiquiátrico de Conxo (Valor de A 855)
3.- Ningunha das anteriores (Valor de A 732)
A porta de entrada á igrexa é de madeira e esta iluminada desde o chan.
No almofadado da porta conta adornos almofadados redondos e as luces que hai no chan para iluminala.
1.- Hai 8 almofadados redondos e 4 luces (Valor de B 343)
2.- Hai 6 almofadados redondos e 2 luces (Valor de B 247)
3.- Hai 6 almofadados redondos e 3 luces (Valor de B 500)
As finais están en N 42 51.A W 8 33.B