Nasjonal turistveg Hardanger
Det er ingen løyndom at Hardanger er som eit einaste stort postkort, og nesten kor du snur deg ser du rett inn i ein buldrande foss eller blomstrande frukttre.
Vegane i Hardanger har sin eigen fart, og du må tilpasse deg det naturlege tempoet. Her ligg vegen på hyller i bratte dalsider, eller går bokstaveleg talt gjennom eplehagane. Naturen har gitt grunnlag for båtbygging, frukt og industri.
Nasjonal turistveg Hardanger består av fire strekninger: Granvin - Steinsdalsfossen, Norheimsund - Tørvikbygd, Jondal - Utne og Kinsarvik – Låtefoss.
Espenes rasteplass
Espenes er eit flott stopp ved Sørfjorden på vegen mellom Kinsarvik og Odda. I dette mektige fjordlandskapet finn du eit moderne turistveganlegg med god utsikt nordover fjorden.
Det særeigne ved rasteplassen er ein 64 meter lang og 4 meter brei takkonstruksjon i stål med 12 takmodular i ulik høgde. Under taket er det toalett og sitjeplassar der du kan nyte utsikten og ta ein god rast.