Will uf dr andere Syte, dr andere Syte vor Wält....
Muess me si bis me weiss, dass es daheime eim a nütem fählt....
So singt dr George das schöne Lied und das isch em Staerneching während üsere Reis es paar Mau dure Chopf.
Mier hei vieu erläbt, gleissendi Hitz in Dubai, Caches im Busch vo Ouschtralie, e Blockparty a dr Sunshine Coast, mier hei dr Platz bsuecht, wo damaus eine vo de APE's gläge isch und vieles meh. D'Natur vo Oschtouschtralie hei mier vo ihrere schönschte Siite lehre kenne. Vo dichte Rägewäuder mit bunte Vögu und riesegrosse Farne. I de Bärge Kängurus, Koalas, Wombats, Opossums, Wallabys und im Meer usse Delfine, Wale und Schildchröt. Drzwüsche blüeie wieudi Blueme i lüüchtige Farbe. Vom tropische Norde bis i chüel Süüde isch die Landschaft unglaublich vieufäutig und voller Läbe.
So vieu wunderbari Erinnerige a üsi Uuszyt uf dr angere Syte vor Wäut, wo mier ewig wärde i üsne Härze träge. Dr Daniel het i eire vo de letschte Predigte vor üsere Abreis gseit, me söu öppis finge, wo eim totau glücklich machi. Und denne söu me genau das zu öppis Speziellem mache. Genau das hei mier gmacht. Mier hei nid hunderti Büchsli gloggt, aber das Land do unge mit aune sine Facette gnosse und es paar spezielli Büchsli bsuecht und gfunge.
U trotzdäm hei mier d'Schwiiz echli vermisst, d'Röibergschichte usem M45, aui die Nase, wo äbe si "wie e Familie".
Drum fröie mier üs, öich wieder z'gseh. Cacher-Fründe, -Kollege, -Bekannti u vlicht sogar o Lüüt, wo mier no gar nid kenne.
Mier träffe üs
am Zyschtig, 28. Oktober 2025
vom 7nj am Oobe (bis sicher am 8tj isch s'Logbuech dört)
bim Brunne z'Prattele
Mier fröie üs uf öich!
Staerneching und Lieblings_Muggel