Hai que roelo!
O Pontevedra CF é o clube de fútbol da cidade de Pontevedra; actualmente milita na 1RFEF, ainda que tivo momentos brillantes na súa historia. Nado coma fusión de dous clubes da cidade, o Eiriña e o Alfonso CF, a súa fundación data do 28 de decembro de 1941, día no que se enfronta ao RC Celta de Vigo.
No ano 1963 consigue ascender a 1ª División, onde permanece 6 anos, sendo dende logo o maior éxito do clube. Nestes anos colle sona de equipo difícil de bater, e de aí o coñecido lema de "Hai que roelo", debido aos apretos aos que sometía a equipos da talla do RMadrid.
O Pontevedra ten arredor de 2300 socios nesta temporada, e conta entre os seus siareiros con varias agrupacións que se ubican neste Fondo Norte. A súa casa sempre foi o estadio de Pasarón,no barrio do Burgo, onde nos atopamos agora. A última reforma data de 2010, cando se tiran e constrúen dende cero as diferentes bancadas e se reduce a súa capacidade a 12500 localidades; o resultado é un campo uniforme, de liñas sinxelas, que lembran ao estadios ingleses clásicos.
Pode que o momento do Pontevedra xa pasara fai décadas, pero aí queda nas hemerotecas.
Apoia ao equipo da túa cidade, e lembra...hai que roelo!