Det samlar seg dessverre stadig ein god del plast og anna skrot på strendene langs kysten på Jæren. I desember og januar plukka vi søppel her i Stavnheimsvika, men det vart ikkje tomt for q-tips, korkar, plastposar, flasker, taurestar og anna smått som står i fare for å bli med ut igjen i sjøen og bli ete av fiskar og dyr. Vi vil gjere ny innsats for å renske opp endå meir denne gongen.
Det finst ikkje ein god parkeringsplass nær Stavnheimsvika. Det er bare plass til 2-3 bilar i vegkanten, så vi oppfordrar folk til å parkere ved pumpehuset eller rasteplassen på Hårr og gå derfrå.
Ta med varme klede som passar til vermeldingane. Vi sørger for hanskar og søppelsekker, og organiserer bortkøyring av søpla vi samlar i samarbeid med Jæren Friluftsråd.