Mor gloobd gor ne, wie mor sich hior verdun kann...😉
Sdäidsch 9: Nu hadde uns dor Ounor widdor am Orsch. „Raum unnor dor Biehne“ glang wie, Diere off un nei un so suchdn mir och erschd. Wie schon so ofd → orfolchlos. Nach einichn Wirren durch's Gebäude un um die Biehne, fand mir schließlich doch den Zugang. Schdandn allordings erschd davor un fraachdn uns, obbor das ernsd meend 80O Nunnor hädd mor uns schah noch gedraud, abor ob mor och widdor noff komm? Un wer hold uns dann hior raus, wenn ne? Mir drambldn ne weile von eem Been off's Annre un gaam uns dann nen Rugg. Doch damid warn die Schdrabazn schha noch ne zu Ende 80O Sah es am Anfang noch so fluffich aus, zwang uns die Logäischn bald off de Gnie un meine Arachnofobie zur Banigaddagge X0( Ich will gor ne wissn, was fier mudiorde un mumifiziordes Geschbinns hior von oom bammlde. DAS SINN DOCH KEENE NORMALN SCHBINN 80O Na Ooch zu un durch – fier's Geogäschn muss mor eem och bissl grang sein, iebor seine Grenzn hinauswagsn un schbord sich abor och so villei den Dherabeudn ;0) DER hädde keene bessre Gonfrondadschonsdherabie machen könn ;0P
Mir kamndn dann vor nem Haufn nosdalgischn Filmmadrials/-Dräschorn zu schdehn, äääh grieschn. Middlorweile laachn mir och schon offn Bauch. Un nu begann die eeschndliche Orbeed. Ich fass es nich, wie mansche ihr Filmarschiv gefiehrd hamm 80OLeidor brachde uns das kee Schdiggl nähor an die DDR-Bornogwien ran. Könnde villei och daran lieschn, daß mir uns mid diesm Schangre ne wirglich auskenn dun :0( Also nochma von vorn un nochma... un...
Irschndwann machde es dann ma gligg, wobei mir an diese Frau nu am allorwenichsde Gedachd häddn, abor den draagschn Fandasien des Ounors sei da ma keene Grenze gesedzd ;0) Mir haddn, was mir wolldn un dradn den Riggzuch an... durch das Schbinngewebs un schaffdn es dann broblemlosor aus der Schbinn grube widdor naus, als mir uns das beim erschdn Anbligg gedachd haddn 80D
Sdäidsch 10: Neeneenee du, was der Ounor fier Flidschn kenn dud un das schon in dem Aldor 80O So risch wussdn mir ne, ob mir uns an solschn Schweinorein bedeilichn wolldn, dadn dem Axl dann abor ma den Gefalln ;0) Dabei gab es ma weid weenschor Verwirrungen beim Findn der Logäischn un och der Hinweis war schnell herangehold. Ich gloob, daß war so ziemlich die eenzsche Hürdein der ganzn Sdorie, die mir in 0,nix gemeisdord hamm ;0)
Nur mid dem rischn Eigeem unsror Leesung dadn mir uns erschd n bissl schwer, fludschde dann abor och.
Och wenn mir uns deilweise sehr miehn mussdn, um durchzukomm, so fanden mir's izze schon widdormo schade, daß der „Film“ nu doch schon zu Ende war :0( Abor mir dradn den ledzdn Weesch an...
Mei gewähldes Ende: Berseenlich würd ich dengn, daß Mädl is die Liebe des Ounors ne werd un es wird ma enn schlimmes Ende middor nemm, abor hey, mir warn alle ma schung un wer weeß, wann sich im Leem ma widdor die Geleeschnheed zu so nor Gonschdelladschon orgibd ;0) Wie heeßds so scheen „ich war schung un brauchde das Geld“ X0D
Feinl: Ei, diss war uns schah noch gor ne offgefalln bei unsren Schdreifzüschn durch's Gebäude 80) Naja, die Finaldosn der Hordhauor lieschn eem immor ganz oom ;0) Also Offschdiesch! Oom erschd gurzes Schdoggn, abor dann fiel uns der Hinweis widdor ei un mir öffnedn das Geheimdürschn. Nod haddn mir dabei keene un der Gäsdebucheidraach verlief broblemlos!
Mei Liebor Hordhauor, es war widdormo scheen bei euch! Habdor widdor subbi gemachd un mir haddn scheede Menge Schbooß, ma abgesehn von dem was mor hior alles gesehn un an Eidrüggn midnemm konndn. Mir dankn sehr fier die Eiladung un hoffn off enn baldsches Widdorsehn!
Liem Gruß ausm fern Rußkams! :0)