Chioglossa lusitanica

Por favor, axúdame a chegar ao caché GC59E94 “Playa de Caranza” en Ferrol

Por favor, ayúdame a llegar al caché GC59E94 “Playa de Caranza” en Ferrol 

Please help me reach the cache GC59E94 "Playa de Caranza" in Ferrol (Spain)

Por favor, ajude-me a alcançar o cache GC59E94 "Playa de Caranza" em Ferrol, Espanha

Esta xoia do patrimonio natural galego é o único representante vivo do xénero Chioglossa . Vive, preferentemente, en fragas de folla caduca con pequenas correntes de auga saturadas de humidade e vexetación densa con liques e fentos. 

Os arroios nos que vive teñen uns valores elevados de osíxeno disolto na auga e dureza baixa. Ó igual que os Tritóns (chamados limpafontes en moitas zonas de Galicia), úsase para saber se a auga dun manantial é boa (potable). 

Trátase dun endemismo noroccidental ibérico, presente nas catro provincias galegas, no norte de Portugal e Asturias.

A píntega rabilonga é un anfibio áxil, rápido e escurridizo, que ademáis nada moi ben. Captura pequenas presas valéndose da súa lingua que lanza cara o insecto e que o colle como unhas pinzas: dípteros e as súas larvas, arácnidos, coleópteros, eirugas de bolboretas…

Categoría Mundial Segundo a IUCN: vulnerable. Tamén figura como vulnerable no catálogo galego de especies ameazadas.

O noso anfibio máis característico está cada vez máis localizado en lugares onde se conserva o medio natural en mellores condicións: augas limpas non contaminadas e fragas de folla caduca. Desaparece cando se poluciona a auga e faise moi rara cando son talados os bosques.

Fonte: Anfibios e réptiles de Galicia de Pedro Galán e Gustavo Fernández